廣州語本字

yukokcho

2013-2-1 13:56 上传

下载附件 (89.2 KB)

《廣州語本字》係本詞書，作者係晚清舉人詹憲慈；本書輯錄1405個廣州話詞語同埋佢哋嘅出處。初稿喺1924年完成，但到1995年先至付印成書。同清初屈大均《廣東新語》，民初孔仲南《廣東俗語考》，都係1949年之前廣東文人研究廣州話嘅文獻。
時代背景
清朝規定，初做官嘅，知縣以上官員都獲得皇帝引見，遠遠地跪喺皇帝面前，高聲報告自己嘅姓名履歷。當清世宗〈雍正皇帝〉引見佢哋嘅時候，因為聽唔明福建、廣東兩省人嘅話，於是喺雍正六年就落咗道命令：哩班講土話嘅人去其他省分去做官，點審訴訟案？坐響公堂上，上下言語不通，全靠書吏翻譯，一定弊。就算佢哋唔做官，都要聽得明自己長官講嘅嘢。由嗰陣時開始，哩兩省嘅人，應該細細個就學官話，改正土音。哩道命令發落以後，福建、廣東兩省嘅總督巡撫就喺各府州縣開正音書院（又叫做「正音書館」）。政治干預底下，北京話逐漸俾人當做正統，所謂嘅「官話」。
1911政府就開始制定國語政策。1913年教育部開咗個「讀音統一會」，議定注音字母。所謂「讀音統一」，就係規定漢字嘅國音；呢種國音，當時係由全國代表喺會場上一個字一個字咁多數表決嘅，並冇指定以北京話做標準。1919年政府公布注音符號。1921年政府公布用普通話做標準嘅《國音字典》。1924年國語會議決定修改國音字典，明白地指出以北京話嘅音系作為國音嘅標準，任何國音同北京話不合嘅都要改從北京音，一面修改，一面通知各地方傳習國語嘅人儘先廢止入聲。1927年國語會將專家研究討論拼音文字嘅結果，制定咗一種國語羅馬字公布出來；1929年大學院將呢套嘢正式公布。1933年教育部公布「國音常用字彙」。
撰寫動機
大意話廣州話唔知點寫，覺得為難，係咪唔寫得？不過只係唔知本字係乜，詹憲慈得閒，諗來諗去，用字本義搵本字。加上當時詮釋廣州話嘅書（《粵東筆記》）都唔係廣東人寫嘅，亦有問題，令詹憲慈想寫。
出版波折
詹憲慈前後約花咗兩年時間，博覽經史子集書籍，考據字詞。佢喺自序中話：「兩年以來，惟有凝坐，血脈鬱積，病者屢矣，未肯輟也。邇且大病，三日不食。人以為病之生，生於覽閱過勞，余未之承。洎乎病瘉，蚤起翻書，目眩而神疲也。乃不敢復事求索，而總計所記廣州語本字，都一千九百餘字矣。重為審汰，存者一千三百有奇。從容寫定，名之曰《廣州語本字》。」
1933年，軍閥陳濟棠主政廣東時，曾經想弘揚文化，於是差遣葉丈同埋李棪等人，搜羅廣東人未發表嘅著作，準備收錄入《廣東叢書》續集第三輯，加以輯印成書。當時葉李等人因為大明張萱《西園聞見錄》篇幅太多，決定改以詹憲慈《廣州語本字》四冊代替。本來出版一事已經去到付印階段，稿件亦已經交咗去海甸北平印刷局準備排板發行。偏偏撞正陳濟棠失勢落台，冇晒經費，出版之事迫住腰斬。
1949年，詹憲慈第三媳婦馬淑芬離開廣州，但因為感到草稿係文化精粹，唔可以失去，於是帶埋草稿到香港。雖然佢係香港定居後，好想將草稿付印出版，但係印刷商普遍認為由於欠缺適合嘅鉛字體，貿然排印錯誤必多，出書一事又再擱置。後尾，馬淑芬嘅侄詹德盈，為防萬一，將草稿複印分送畀兄弟，以免因意外而令草稿散失。直至1995年，詹憲慈嘅第24個孫詹德隆先搵到機會，交由中文大學出版社付印，先至達成詹家出版宏願。

yukokcho

yukokcho 发表于 2013-2-1 13:49
《廣州語本字》係本詞書，作者係晚清舉人詹憲慈；本書輯錄1405個廣州話詞語同埋佢哋嘅出處。初稿喺1924年完 ...

曾听过一順口溜： "天不怕，地不怕，最怕广東人講官話。"
事实亦如此！

嘉嘉

这书有实用价值，有机会找本看看。

yukokcho

嘉嘉 发表于 2013-2-1 15:38
这书有实用价值，有机会找本看看。

网上找找看，我看到了，可惜我不懂拼音符号。
點解打邊爐叫「打邊爐」??
引「廣州語本字」一書頁253解，置爐於左右就叫「邊爐」。 打邊爐在廣東人來說，就是守在爐邊涮食物之意，亦即是吃火鍋。因為涮的動作就像「打」(左右)邊爐，所以廣東人叫火鍋打邊爐。至於有煙通的，其實是上海人的火鍋食法，一般都簡單的叫作「火鍋」或較正式的「煙囪火鍋」。(因為爐具叫作煙囪火鍋爐，多是紅銅製的)

2013-2-1 17:30 上传

下载附件 (32.4 KB)

2013-2-1 17:37 上传

下载附件 (38.96 KB)