广府庙会游

依慈

嘉嘉 发表于 2014-2-16 22:00
一路走到惠福路的食街，更加是人墙壁垒，买的争先恐后，吃的津津有味，路边都是捧着食品品尝的老老少少男男 ...

今日暖返几度，梗人山人海啦，真想去买返些成珠楼鸡仔饼。

依慈

如梦令 发表于 2014-2-16 23:51
有成珠楼鸡仔饼卖咩？

咁出名，睇过“三家巷”都记得啦，无理由无咖。

依慈

shunhui 发表于 2014-2-17 17:06
我今早去了，下午完成report啦！

辉哥,真系无成珠楼小凤饼?(鸡仔饼),长哭当歌啰!广府食品精品呀.

依慈

69届新生 发表于 2014-2-18 08:38
成珠楼无左好耐啦...

食肄无咗.饼厂在呀,海幢寺后门斜对面,佢鸡仔饼好食无得顶.

依慈

如梦令 发表于 2014-2-18 16:42
再去搵过

辉哥抵谂d直踩去海幢寺后门对面那老巢处,有图有真相兼问下佢点解唔去秀"可妮",等咁多人走宝养在深闺人未识.辉哥咁英明神武一于送佛送到"庙".

依慈

如梦令 发表于 2014-2-19 00:35
回复 依慈 的帖子

依慈  我s唔眼闭.

我今年要找日专程去海幢寺顶礼及拜外婆毌亲(牌位),然后去买鸡仔饼.(07年买咗3斤).

依慈

如梦令 发表于 2014-2-19 12:39
原来慈董寒底，3斤鸡仔饼落肚都唔热气。

有d送咗礼,我占半斤左右,其它的分享,我不会咁狼,食嘢变咗贼佬试沙煲,试下受得过几日再试.

依慈

如梦令 发表于 2014-2-19 23:36
贼佬试沙煲系咩意思？

乜e个著名的典故董事长又来兜笃将嘅?

依慈

如梦令 发表于 2014-2-19 23:57
咩叫“兜笃将”？慈董讲紧世界语？

咁就叫"代沟"啦,青春无敌连广府市井话都冇有懂,咁真是将军抽只車啦.

依慈

如梦令 发表于 2014-2-20 00:17
“将军抽只車”呢句听过，其他嗰两句冇有听过。广州人讲啲咁嘅嘢咩？我话晒土著啵

水嫩呀土著,我这类老柴拉咗柴广府生猛市井话一不小心化埋灰,水嫩土著变"朱义盛"土著.

依慈

如梦令 发表于 2014-2-20 00:45
贼佬试沙煲咩意思吖？呐，咪话查百度啊

真系想靓卿同你玩下市井话通识课,算啦,见你未听过我d老古仔又未见过d老贼,讲啦.
  话说旧阵时贼佬偷嘢去d大宅,大宅有巡夜外面大街有打更,贼佬刨开墙洞先递个沙煲入去,有人见到墙下有个沙煲梗有反应咖,咁就散水偷下一舍啦,如无动静又塞第2个沙煲,试几个都无动静巡夜去咗蛇王贼佬就扩洞入来做世界啰.
我食鸡仔饼也是,食一件10个钟又食一件,无反应笫日又糸食一件抖返10个钟再食,似足贼佬试沙煲.

依慈

如梦令 发表于 2014-2-20 09:54
听完你个故事我可以好肯定咁讲我从来未听过呢句歇后语，身边的人也从来冇人讲过，老师及课本更加冇讲过， ...

得闲买本厂府市井趣闻录睇下,仲有好多古老嘢.