退休三部曲（一）

黑衣

     退休前，早把退休后的每天设计了一番：三件要事，饮茶、公园、上网。
      饮茶系每日生活的首曲。不过，老婆有意见：唔使做嘢，你仲忙过上班。
     无计，解放初期系生育的高峰期，这几年，属于我地呢个年代嘅退休工人井喷，揸住一千几百大蚊，人人都上得茶楼，你唔早啲去霸位，到时拿住张号纸等咨客叫位，俾熟人见到，几淤啊！
      于是，每日7点起身，后，驱车12分钟，早早坐定，两张报纸一盅茶，悠然自得。
      有时想起了老父那年代，那时的茶居，五点几就开茶位，宜家就好理解老窦点解4点半就起身去饮茶喇，一班老友，一日不见如三秋啊。
      陆陆续续，一张枱坐满了人，这时，随着话题的增多，声浪分贝扭到最高，亢奋一番之后，情绪宣泄完，十点钟，各人四散东西。
     不过，问题出来了。今日边个埋单？
      其实，凡属集体消费，AA就最好。可一帮大男人一齐，就死要面子，AA？食完嘢你十蚊我八蚊咁夹钱，隔离枱嘀师奶见倒唵住个嘴，笑甩棚牙啦。
      丢！总有人扮豪气：今日我埋单。于是有人神气了一番。
      唉，如此下去，总会有人微词，到时发展到每人手执一卡，仲死得难睇。
      饮茶吹水，天经地义。吹到浓时，你会发现，有啲人，就好似个水笼头滑佐俹咁，个嘴收都收唔住。咁都未够奇，吹下吹下，以前嘅幻想，代入现实，吹得个漫无边际。好似农场有嘀老友，讲下讲下，又话自己以前响农场点威；点够姜；又话系几梯队；又话临走被提拔做什么长；总之，以前嘅嘢，边个仲去考究？见啲人讲得如此享受，笃穿人地，好无阴功架。不过，人生百态，在旁睇落，觉得都几得意。
      其实饮茶就系会友。各方老友，见见面，饮茶最健康，话题多，最多就直落。
      忽然觉得，人老佐，好念旧。以前一帮老上司退休已有十年八年，我退休时约他们饮茶，一聚，老人们竟意犹未尽，提出最好个个月都饮次茶，叙叙旧，的确，人生短暂，友谊的记忆，一经激活，却是何等温暖人心。
       饮茶，灌水，医生话对身体有益。所以，健康的事，一定会坚持做。
       擒日，横风横雨，我都仲系坚持去茶楼。但瞓过头了。八点一刻到，一睇，竟有八件老嘢围桌而坐，嘀人不约而同问：喂，擒晚搞嘢，搞到好夜吖！
       随即，一串淫淫的笑声。
      丢！你帮死老坑，你地以为仲系生鸡仔嗰阵时咩！我心想。                                                                     2012.7.26.

如梦令

日日饮茶，咁咪即系冇得瞓到自然醒？咪搞，宁愿瞓到自然醒嘞。

嘉嘉

如果带埋夫人去，就无甘搞野了。